وجه اليوم المخرج عبد الحميد بوشناق رسالة لجمهور رقوج بعد بث الحلقة الاخيرة.
و في هذا السياق نشر بوشناق تدوينة على صفحته الرسمية و التي جاءت كالتالي :
شكر خاص لجمهور رڤوج … عيشتوني أصعب و أجمل أيامات ! ان شاء الله الجاي خير ، ان شاء الله اللي حبينا عليه يوصل وصل و اليوم نهار 22 مارس هو اليوم العالمي للماء … الماء اللي ما يتشراش بالفلوس كيف محبتكم و ثقتكم فينا.
هذا وأثارت الحلقة الأخيرة من مسلسل رڨوج إعجاب المشاهدين، ومن بين التدوينات المتداولة :"
وقت تحّك الركايب ما نلقاوا كان بعضنا بالباهي بالخايب بالمسلم بالكافر بالمجرّم بالصالح …أوّل من يبيع البلاد في الأزمات هو المسؤول (الديناري)…القضيّة الكل خيانة منّا فينا…(عثمان)…و تنجّم تلقى الخير في البراني زادا إذا حبّك و حبّ ترابك ينجّم يولي منك و فيك (يوسف)…حرّاس البلاد صلاّحها(امّي منوبيّة)…أضرب على ارضك و عرضك حتى بالحجر…(البّب) …ساعات ربي يضّع سرّو في اضعف خلقو ويعلمنا نحبوا المختلفين علينا حب لا مشروط(مبروك)…وتستمر الحياة و سنتّها يمشيوا اجيال و يجيوا اجيال ( ولادة نورا)…و أهمّ حاجة غارقين في نِعمْ ما نعرفوش قيمتها على ما ستانسنا بيها و وقت نفقدوها حتى كان عنّا مال قارون ماهوش بش ينفعنا إذا تحرمنا منهاو أهمها الصحة و اساسيات الحياة كيف الثروة المائية الي بش تكون حرب بقاء في العالم… "وجعلنا من الماء كل شي حي"…شكون زاد؟
شكرا لفريق العمل على كل الاحاسيس الي خليتونا نحسوها في كل حلقة… شكرا على الإبداع و ان شاء الله نعيشوا ونشوفوكم رمضان الجاي على خير سواء في رقوج 3 و إلا عمل آخر…كل الحب".
مشاهدة الحلقة الأخيرة :
