تحدّث الفنان الشعبي الهادي دنيا في حوار مع برنامج الوحش بروماكس مع الاعلامي سمير الوافي عن تفاصيل الحفل الذي جمعه بأمينة فاخت على ركح مهرجان قرطاج منذ سنوات، مسترجعا ذكرياته وااضجة التي حصلت حينها بعد أن عانقته أمينة فاخت على الركح.
وردا على سؤال سمير الوافي قال :"
أنا وأمينة فاخت كي جينا داخلين باش نبرفو ، عملنا البروفة الأولى والثانية.. البروفة وقتها الاربعة متاع لعشية وأحنا في أوت ، وأنا ماني نخدم في الليل عندي القايلة sacré مانلعبش معاها.. مشيت للبروفة الأولى 18:30 وعملنا الأولى والثانية والثالثة إلي باش نعملوها في قرطاج مامشيتش وقتها عندي خدمة في سوسة قلتلها برا امشي اقصد ربي تو نخدم في سوسة ونخلط عليك.. ".
مضيفا :"
كملت الخدمة من سوسة 00:45 وخلطت لقرطاج 03:00 نلقاها قلتلها ايا نعملو فصيّل قاتلي لا والله عم الهادي راني تاعبة وتو غدوة نجيو بكري قبل الحفلة ... جيت 19:00 نلقى الدنيا مسكرة ولعباد داخلة معادش فما بروفة ، في الحفلة خرجت هي عملت الشوط لولاني ومبعد خلط برنامجي أنا باش ندخل جابولي الميكرو متاعي هبطت باش نطلع على المسرح وهي عملتلي المنڨلة اذيكا ، اكا التعنيقة ...
في المقدمة متاع عالجبين عصابة وأحنا هكاكا خرجنا كاينو نشطحو في slow ... قاتلي في وذنيا راني نسيت الطالع متاع الغناية ، وليت أنا نلقن فيها مع الموزيكا ، هي قالت "عالجبين عصابة الفم يضحك والعيون غضابة" وقعدت تقول أمان أمان ، وقعدت أنا نعلم فيها الأبيات ...
وقتها غزرت لوزير الثقافة قال شوف كيفاش شادد ياخي وليت هازز يدي نقول خاطيني ، ولعباد امخاخ على مراد الله... عاودناها في رمضان هذا السنا وزدنا عليها شويا".
الفيديو :