أثارت الممثلة والمخرجة المسرحية التونسية نورهان بوزيان الجدل على صفحات مواقع التواصل الاجتماعي مؤخرا وذلك بعد نشرها لتدوينة مؤثرة على حسابها الخاص تحدثت من خلالها عن أسباب غيابها عن الأعمال الدرامية في السنوات الأخيرة واستبعادها.
وقد حلّت نورهان ضيفة في برنامج "O'star" مع أميمة العياري على إذاعة ديوان اف ام، وكشفت أنها لم تكن تتوقع التفاعل الكبير مع تدوينتها، متابعة :"أنا صبرت صبرت و بعد تكلمت خاطر نحس في غصة كبيرة.. أما انا تجاوزت اقصاء التلفزة و اول دور خدمتو في حسابات و عقابات كان عندي نهار بركا تصوير..انا ما قلتش عيطولي في دور متع طفلة عمرها 20 سنة عاشقة في طفل، عندي ادوار نعرف روحي نجم نقدمهم".
وأضافت نورهان بوزيان أنها ترفض رفضا قاطعا آداء الأدوار الجريئة :"فما ادوار نحلم نمثلهم كيما دور المرأة القوية ونحب مسلسل فيه حكاية وحاجة فيها رسالة للجمهور..
أنا من النوع إلي مانمثلش حاجات osé ، الله غالب قول عليا رجعية. متخلفة إلي تحب تقول أنا متطورة ياسر في مخي أما عندي أسبابي مانقبلش أدوار جريئة ... أنا نحب السينما ولكن مانفركسش وأنا ممثلة نحب التلفزة أما تجاوزتها ماقعدتش حابسة خدمت وتطورت ونمثل ونعمل مسرح ونسافر وكل شي ولكن نحب التلفزة ولهذا تألمت".
الفيديو :