نشرت الممثلة والمخرجة المسرحية نورهان بوزيان تدوينة مؤثرة على حسابها الخاص تتحدّث من خلالها عن أسباب غيابها عن الأعمال الدرامية في السنوات الأخيرة، مثيرة بذلك تفاعل متابعيها.
وقالت نورهان في تدوينتها :"
باسم الله ما شاء الله نحشم باش نحكي على مسيرتي الفنية على خاطر الناس الي تحبني هي الي تحكي عليا موش أنا نحكي على روحي أما ساعات الواحد يجبروه على خاطر المتواضع يعفسوه..
ايا سيدي نحيو 30 سنة مسرح على جنب من تمثيل واخراج وتاطير ورشات وتكوين الشباب نحيو تجارب المسلسلات الإذاعية المتميزة زادة والي زادتني في رصيدي
نحكيو على المسلسلات التلفزية الي خدمت فيهم" عودة المنيار" "صيدالريم" "كمنجة سلامة"
الليالي البيض" "لأجل عيون كاترين"
"دنيا" "وردة وكتاب" شوفلي حل ضيفة نسيبتي العزيزة ضيفة وزوز ولا3 مسلسلات اخرين نسيت عنوانهم على خاطر قدم برشا
هذا كل ونلقا روحي في كل رمضان في السنوات الأخيرة ما نخدمش
علاش ما نعرفش مانيش صاحبة مشاكل الناس الكل تشكر فيا والحمد لله ".
وأضافت قائلة :"
أنا بالأساس بنت القناة الوطنية ونتشرف وفخورة بيها اما كقناتي الأم تنكرني ومتنادينيش وماتحلش حتى كاستينغ نتعجب ..
بعد ما كان واحد يصول ويجول يحڨروه اما طول عمري نبقى مهرة حرة وممثلة
ويجي نهار ونرجعو بقوة للتلفزة
وكان ما بعد عمر طويل مت وما رجعتش ما نسامحش على خاطر الغصة في قلبي والله".
الفيديو :