في لقاء تلفزي مؤثر، تحدث الممثل التونسي المعروف حمدي حدة عن إصابته بمرض السرطان، ليفتح بذلك صفحة جديدة في حياته مليئة بالتحديات.
هذه الخطوة الجريئة تأتي بعد تلقيه العلاج في فرنسا، حيث أبدى تفاؤلاً وقوة لمواجهة هذا المرض الخبيث.
وقال حمدي حدّة في حوار مع برنامج "أحنا هوني" على قناة "تلفزة تي في" :"مرض السرطان حاجة مزيانة برشا صارتلي ، يمكن حتى حد ما قالها قبلي ... أنا حليت عينيا ، صارولي حاجات غريبة ...".
وأضاف متحدثا عن التفاصيل :"طلعت لباريس باش نداوي وأنا ما عندي حد في باريس وقالولي traitement يقعد 4 أشهر ، وين باش نسكن 4 شهر في باريس .. باش ترسكي بحذا صاحبك 4 أيام موش 4 شهور وباريس موش ساهلة باش تلقى دار ... أنا في الحيرة هذي كلمني واحد صاحبي يسأل عليا قالي عندي برطمان العايلة في باريس نمشيولو مرة في الشهر خليه على ذمتك وقعدت فيه عام كامل ... برشا حاجات صارولي محلاهم ...".
وتابع :"أنا ماحسيتش عملت حاجة خارقة للعادة ، أنا تصرفت بطريقة عادية مرضت لازمك تقاوم المرض وإلي باش يصير يصير هذه الحياة ... تخمم في الموت اكيد وكان معايا في كل لحظة وكنت قابلها ، أول ما سمعت إلي أنا عندي سرطان تفكرت الموت لأنو كنت ناسي إلي أنا نجم نموت هذه سنة الله في خلقه ... هذا جزء من الحياة ، الحياة تستمر يلزم نتقبلو هذا".
الفيديو :