أكدت وزيرة التجارة وتنمية الصادرات كلثوم بن رجب اليوم السبت 6 جويلية 2024، خلال زيارة أدتها إلى جزيرة جربة، أن زيارتها للجهة كانت غير معلنة، وهي تهدف بالأساس لمعاينة نسق التزويد بالمواد الأساسية والخضر والغلال عن قرب لا سيما وأن الجزيرة تشهد في فصل الصيف ارتفاعا في عدد الوافدين وهو ما يساهم في تزايد الطلب.
وقالت الوزيرة في تصريح نقله مراسل إي أف أم بالجهة :" جئت إلى جربة بسبب أن هناك من يقول إن السائح في الصيف يأخذ حظه على حساب المواطن التونسي، وتوجد حتى أسئلة من النواب في الخصوص وقالوا إن هناك نقصا، ولذلك جئت لأعاين عن قرب، وقمنا بالتنسيق من قبل مع الوالي ومختلف الإدارات الجهوية للتجارة والسياحة، لنكون جاهزين ونتدخل إذا كان هناك نقص على مستوى أي مادة من المواد، وعاينت بعض المساحات التجارية وإحدى المخابز، ولم ألاحظ أي تشكيات على مستوى الخبز إذ أنه متوفر ولا يوجد ازدحام، ونحن قد استبقنا وخصصنا كميات استثنائية لجميع المناطق في البلاد التونسية... ".
مضيفة :"فما صف ممكن على بعض المخابز اللي هي عندها سمعتها وقديمة، أما الصفوف في بالي ما عادش موجودة وفما مواطنين يتدللوا شوية مستانسين بخبز معين، نعذرهم أني بيدي عندي شروطي في الخبز ساعات وإلا نقطة تزود خاصة، لكن اللي نأكد عليه إنو أحنا وفرنا كميات استثنائية وقلنالهم سواء السيد الوالي اللي اتصلت بيه من قبل حتى ما نجي، وإلفا مصالح وزارة التجارة، كان فما أي نقص، تطلبوا وأحنا على ذمتهم في توفير المواد الأساسية... الأسعار، لاحظت فما في الخضر والغلال الأسعار طالعة شوية، خاصة في السوق اللي شفناه، غريبة شوية... عموما كي يكثر الطلب تغلى الأسعار شوية، تاو نشوفوه بقدرة ربي، تاو نتصلوا بالمسؤولين الكل ونشوفو شنية الظاهرة هاذي... الزيت الآخر شفت والأسعار عاملين فيه تخفيضات... الزيت النباتي المدعم ناقص بطبيعتو، ديوان الزيت هو اللي يجيبلنا هو اللي يستورد، أحنا وزارة التجارة الكميات اللي تحضر نحاولوا نفرقوها للمناطق المستهدفة بالأولوية للأحياء الشعبية... مربوط بالمالية العمومية، اللي ينجم يشري الزيت النباتي الآخر يشري".
الفيديو :