تحدثت البطلة الأولمبية والعالمية حبيبة الغريبي خلال استضافتها في برنامج "الوحش برو ماكس" ليلة الأحد على قناة الحوار التونسي، عن بدايتها واكتشافها لموهبتها منذ الطفولة.
وقالت حبيبة الغريبي أنها منذ سن ال6 سنوات كانت تحبّذ الذهاب الى المدرسة على الأقدام رغم أنها تبعد على منزل والديها حوالي 4 كم.
وقالت :"
ملي صغيرة نحب نمشي للقراية على ساقيا.. وما نمشيش بالشوية ديما نهرول والا نجري.. ربي عاطيني الموهبة ولتوا كي نمشي نبدى نمشي بزربة..
ملي عمري 6 سنين نمشي للمكتب على ساقي بالرغم بابا عندو كرهبة..
كل يوم نمشي ونجي 4 كم وساعات نروح مرتين يعني نمشي 16 كم يوميا..".
وبخصوص اكتشافها لموهبتها قالت :"وفي عمر ال15 سنة اكتشفت الموهبة هذه.. قبل بابا ديما يقولولو شبيها بنتك تمشي وتجي تجري.. وأنا وقتها نحب نوصل الأولى في أولاد عمي وأصحابي الي يسكنو بحذايا.. عاملة مسابقة وحدي".
وعن بداياتها في رياضة العدو الريفي قالت الغريبي :"
بديت بالصدفة مشيت نشجع في صاحبتي في مسابقة في المعهد.. ونهارتها هي ما تحبش تجري وأنا قلتلها تو نجري في بلاصتك.. خذيت الصباط متاعها وطلعت في الكار ومشيت.. كي جريت وصلت الأولى وقبلهم ببرشا وحاجة خارقة للعادة".
الفيديو :