أثارت مواطنة تونسية تفاعل وتعاطف التونسيين عبر صفحات مواقع التواصل الاجتماعي، وذلك إثر ظهورها في حوار مع برنامج الواقع التونسي أطلقت من خلاله نداء إستغاثة إثر اختفاء ابنتها منذ 9 جوان 2024.
وقالت الأم باكية :"
نحب نوصل صوتي عندي بنتي مولودة عام 2000 خرجت من نهار 9 جوان ما رجعتش .. أنا نسكن في نعسان ولاية بن عروس وبلغت عليها ومازالت ما ظهرتش.. نهارتها فطرت عادي وتلعب بتلفونها أنا خذاتني عيني شربت الدواء وهي خرجت..".
وأضافت أن ابنتها مريضة وتمرّ بحالة نفسية صعبة وليس لها أصدقاء :"ما لقيت حتى حل عاونوني.. وما عندهاش أصحاب أنا أختها وصاحبتها وبوها متوفي".
وتابعت موجهة لها نداء :" من نهار الي مشات النوم ما ريتوش.. حتى كي تاخذني عيني نفيق نلقى روحي رقدت تغيضني روحي كيفاش بنتي ما نعرش عليها وين وبنتي ما نعرش عليها شنحوالها..
نحب بنيتي ترجعلي مهما كانت صفتها والي باش يصير قابلة بيه وابتلاء من عند الله المهم ترجعلي بنتي.. راني نبكي ليل ونهار .. هي حياتي والنفس الي نتنفسو".
الفيديو :