القائمة الرئيسية

الصفحات

بالفيديو : ياسمين عبد العزيز تبكي على المباشر.. وتكشف لأول مرة تفاصيل انفصالها عن العوضي


كشفت الفنانة ياسمين عبد العزيز، لأول مرة، تفاصيل انفصالها عن الفنان أحمد العوضي، وذلك خلال لقائها مع الإعلامية إسعاد يونس ببرنامج "صاحبة السعادة" المذاع على قناة "دي إم سي".
ودخلت الفنانة ياسمين عبد العزيز، في نوبة بكاء ولم تستطع حبس دموعها، بسبب استرجاع ذكرياتها مع الفنان أحمد العوضي، وبعد سؤال إسعاد يونس لها عن سبب الانفصال رغم علاقة الحب الكبيرة التي تجمعهما.
وقالت ياسمين عبد العزيز باكية: "أنا عايزة أقول حاجة أنا مش بحب أحمد العوضي لا أنا بعشقه"، لتعقب إسعاد يونس: "وهو كمان بيقول كده عنك".
وأكدت: "أنا بحب أحمد العوضي وباعشقه وده حقيقة، أنا معاه لما حبيته اكتشفت إني مكنتش بحب قبل كده وقبل كده مكنش فيه حب وهو أول حب في حياتي، كنت فاكره إن قبل كده كان حب، أحمد العوضي هو الحب الحقيقي".

استخارة ياسمين عبد العزيز قبل انفصالها والأسباب :
وتابعت: "أنا عن نفسي عملت استخارة وروحت عملت عمرة ودعيت ربنا واللي ربنا هو اللي كان في الانفصال، واللي ربنا عايزه هايكون، ربنا عايز يمشيني في السكة دي أو غيرها أنا راضية حتى لو مش على رغبتي لإن ربنا هو أدرى بحالنا وشايف إن ممكن يكون الانفصال خير".
وأكملت: "أنا عارفة إن أحمد العوضي بيحبني وهو عارف إني أنا بحبه، وبعيدا عن إن فيه سبب من الأسباب له علاقة بالانفصال مينفعش نتكلم فيه بس ملهوش علاقة بالخيانة علشان الناس المؤذية الكتير ميفسروش في الحتة دي اللي هما مبيعملوش حاجة غير أنهم بيأذوني كتير من سنين وأنا مش مسمحاهم، لإن لو خيانة مش هاسكت".
الفيديو :