القائمة الرئيسية

الصفحات

زوجة برهان بسيّس :"اليوم زرته في السجن.. حكينا بالعينين وتفكّرنا أغاني" (فيديو)


نشرت الاعلامية سلوى نعمان زوجة الإعلامي برهان بسيّس اليوم الجمعة 31 ماي 2024 ، تدوينة على حسابها الخاص تتحدّث فيها عن تفاصيل زيارتها الثالثة لزوجها المودع بسجن المرناقية.
وقالت في تدوينتها :"الزيارة الثالثة لبرهان في السجن المدني بالمرناڤية...
المدة حسب التقريب ربع ساعة ممكن أقل بشوي ممكن اكثر و الله ما نعرف خاطر نحسها دقيقة من زمان... في الدقيقة هذيكة لازم تلخص كل شيء... مخك يبدأ يخدم و يصفي و يختار الكلمة المناسبة بش يوصل المعنى بدقة... تمرين متع تواصل... بين لغة الكلام و لغة العينين... بين انك توصل فكرتك و بين انك تفهم الي يوصلك... صحيح موش ساهل بالكل اما وقتها تعرف دور العشرة و طبيعة العلاقة....... في دقيقة سلم كيف العادة على أصحابو و" أصحابو"..... حكى في تفاصيل ".
مضيفة :"
التفاصيل...فهمنا بعضنا و ضحكنا
حكينا على آخر رواية قراها... تذكرنا جمل... أغاني...
و كيما قلت المرة الأخرى كي يبدا الضمير مرتاح يقعد الراس عالي... الحمدلله كي نحطوا الراس على المخدة يجينا النوم...
لاباس برهان مهما طالت قصرت ما يدوم حال.....
نحن لها....".
الفيديو :