القائمة الرئيسية

الصفحات

بالفيديو / قريب علي شورّب :"كان باندي صحيح ويخاف من أمه.. توا كلوشارات ما يقدروش الوالدين"


تحدّث مواطن تونسي في حوار مع برنامج "كل الناس" على اليوتيوب، عن "الباندية" في تونس سابقا، وعن علاقته ب"علي شورب" الذي كان معروفا بتونس في وقت سابق بالتحديد في باب السويقة والربط.
وكشف من خلال التفاصيل التي قام بمشاركتها عن الحياة الشخصية لهذا الأخير أنه و بالرغم من أن كل الناس كانت تخاف منه إلا أنه كان يحب والدته كثيرا و بارّا، بها كما شارك تفاصيل حول جنازته مؤكدا أن المئات حضروا للمشاركة في موكب الجنازة وكأنه شخصية مشهورة.
و أوضح ذات المتحدّث :"علي شورب يحب أمه برشا ويقدرها كان من الرجال الباهيين كانت أمه هي تحكم فيه كانت الناس الكل تخاف منه حتى النساء على هذاكا ماعرسش وما عندوش صغار .. كلمته ما يطيحهالو حد دفينته مشيت فيها انا كان عمري 12 سنة وقتها و تعدات دفينته تقول عليها ام كلثوم و لا عبد الحليم حافظ.. صاحب بابا نحبه برشا كانوا الكل يجو عند بابا باندية كبار و بقدرهم".
وأضاف :"قبل كانوا باندية كبار وبقدرهم.. محي الدين الخريجي والحسناوي متاع حي هلال وعم رزوقة بومنيجل.. الباندية متاع توا يبزق على أمه ويضربها ويسب بوه.. ربي يهديهم خاطر نهايتهم خايبة تلقاه يطلب تحت حيط والا يشرب.. وهذاكا الكل من الدعاء.. الباندية متاع قبل مرضين والديهم.. قبل كي نقولو باندي عندو قيمته وقدره.. ما كانتش فما كلمة كلوشار.. توا ولات كلوشارات وحتى المنطق متاع الخلايق تبدل".
الفيديو :