تحدّث مغني الراب عمر الطويهري "جنجون" خلال عدد اليوم من برنامج او ستار على إذاعة ديوان أف أم عن تجربته الاولى من نوعها في التمثيل، من خلال دور يعقوب في مسلسل فلوجة في جزئه الثاني، أين حظي بالكثير من الإشادة من طرف التونسيين الذين أعجبهم أداؤه.
و عبّر هذا الأخير عن ارتياحه الكبير وسعادته في العمل مع المخرجة سوسن الجمني.
و كشف جنجون عن سبب بكائه في المشهد الذي كان فيه أمام قبر حبيبته نور قائلا :"في المشهد الأخير في فلوجة ما نجمش نحكي بالضبط شنوة تفكرت باش بكيت هكاكة أما تفكرت حاجات شخصية حطوني في الحالة هذيكا ..انا ما نجمش نقيم روحي نجحت والا لا هاني ماشي خطوة خطوة و اكيد موش اخر حاجة بش نخدمها واهالي جندوبة فرحانين بيا و اكثر كلمة سمعتها هي شرفتنا".
وأضاف :"كلمات أغنية "ما تبكي يا عين"كتبتها وقتها على الي ماتوا في حادث عمدون و كي تصورت court métrage ربطتها بالحراقة الي ماتوا في البحر و أنا نقبل النقد و ان شاء الله نزيد نتحسن و نحاول نقنع.. اما الجهويات عامل حصانة منها من اول ما طلعت وما نعطيهاش وذني".
وتابع في ذات السياق :"فما فنان مغربي كبير حب يشري غناية "ماتبكي يا عين" و طمعني بالفلوس طلب يشراها ب120 مليون خاتر حب يحط كان اسمو هو.. اقترحت عليه مليار و نص بالعاني و بعد رفضت اكيد خاطر نغير على كتيبتي، في المسلسل قتلي سوسن بش تغني غنايات اخرى مزود قتلها مادام عندي غناياتي علاش نغني لغيري.. و حكينا في الموضوع ووافقت خاطرها فرصة نستنى فيها عندي برشا و نحب نمثل و هذا الوقت المناسب".
الفيديو :