القائمة الرئيسية

الصفحات

دالي النهدي :"برافو سوسن الجمني على حرفيتك وتمكنك من صنعتك.. فلوجة أحسن عمل" (فيديو)


نشر الممثل والمخرج التونسي محمد علي النهدي اليوم الخميس 14 مارس 2024 تدوينة عبر حسابه الخاص يعبر من خلالها عن شكره لسوسن الجمني واعجابه بحرفيتها العالية وحسن إدارتها للممثلين، معتبرا أن مسلسل فلوجة هو أفضل مسلسل درامي لهذا العام، وسوسن الجمني من أفضل المخرجين.
وقال النهدي :"
انا اليوم باش انقول كلمةً حقّ
باش نحكي كمتقبّل، كممثّل وكمخرج
برافو سوسن الجمني
كيما قلت عمناول، كيما إخترت عمناول بما أنّني كنت عضو لجنة التحكيم في موزاييك لتقييم الاعمال الرمضانيّة او قلت أنّو أحسن عمل كان الفلّوجة (باش ما إقولوش على خاطر تخدم فيه) فإنّه السنا كيف كيف.
مع كلّ احتراماتي لكلّ الاعمال الدراميّة الأخرى المحترمة والحمد لله .
برافو سوسن
برافو على حرفيتك ،برافو على احساسك،برافو على تمكّنك من صنعتك وحبّك لمهنتك واحترامك لفريقك.".
وأضاف في نفس التدوينة :"
خدمنا مع بعضنا كمخرج ومساعدة واليوم خدمنا مع بعضنا كمخرجة وممثّل ..
الحقّ تفاجأت مفاجأة سارّة للغاية بحاجة ممكن المتفرّج العادي ما يعطيهاش إهتمام الا وهي حسن ادارة الممثلين ) Direction d’acteur) الى حدّ انّو ثمّ بعض الممثلين وكأنّنا عمرنا ما شفناهم قبل .
حسن ادارة الممثلين الشبّان الّي بالنسبة ليّا اكتشافات بالجملة تبارك الله عليهم.
خدمت كممثّل في مسيرتي مع العديد من المخرجين
على غرار النوري بوزيد،منصف ذويب،محمد دمّق،عبد اللطيف بن عمّار،ابراهيم لطيّف،الحبيب مسلماني،عبد القادر الجربي،مجدي سميري،مديح بالعيد ،Jean Jaques Annaud ,Jack Malaterre,انيس لسود،زياد ليتيّم والعديد العديد
اعتبر سوسن اليوم من أحسن المخرجين الّي خدمت معاهم في حياتي .
شاهية طيّبة او ربّي اوّفق الجميع..".
الفيديو :