تحدّث الممثل التونسي صابر سيزار خلال استضافته في برنامج "قولدن بودكاست" على قناة "تلفزة تي في" عن رفضه لأن يكون كرونيكور في البرامج التلفزيونية التي تعرضها مختلف القنوات التونسية مؤكّدا أنّه تم عرض عليه العمل من طرف 3 برامج لكنه لا يرى نفسه كرونيكور وقام برفض العروض الثلاثة بسبب "ركاكة" البرامج وهبوط المستوى على حد تعبيره.
وقال :"أنا كرونيكور لا ما نجمش ، مهم جدا مع شكون ومهم جدا شكون الي قاعد في الطاولة هاذيكا.. انا ما نخدمش كرونيكور على خاطرها حصّة ناجحة وعلى خاطر الي فيها معروفين ما يهمنيش جملة، لازمني نخدم مع عباد ما تضرليش تصويرتي".
و أضاف :"أي واحد اليوم ولا ينجم يكون كرونيكور يجيبو من الشارع قداش يتبعو فيه 3 ملايين يجيبوه يخي هذا هو المعيار؟ ما أرخصها التلفزة ولات ساهلة باش تتعدى، طلّق تتعدى ،سب تتعدى، مريم الدباغ ايجا قداش عندك متابعين ايجا... ما نجمش نكون ضحية كلام آخر نحب الي بجنبي قيمة مش حانوت حجامة التلفزة.. فما كلام عيب فما حاجة اسمها جعرة و حشمة ماعادش .. حمام و دخلنا فيه كاميراوات مادام يحكيو على اعراض النساء و يخلقوا منها مواضيع".
الفيديو :