تحدّث الممثل التونسي محمّد السياري خلال حضوره في برنامج السهرية على قناة "تلفزة تيفي" عن بداياته في مجال المسرح وعن ثلّة من الفنانين الذين ساندوه في بداية مشواره و كانوا يحضرون عروضه بمسرح دار الثقافة ابن زيدون مستذكرا شبابه و ذكرياته و كذلك الاسماء التي كانت سببا في تقدمه في المجال المسرحي.
وتحدث ذات المتحدّث عن عروضه و التحضيرات التي كانت تسبقها، وفي إجابة على سؤال الإعلامي عبد الرزاق الشابي حول أسماء الممثلين الذين استفاد منهم محمّد السياري، على غرار منصف السويسي و منصف الازعر
وبعض المخرجين ليصل إلى إسم فتحي الهدّاوي، فقال :"فتحي الهدّاوي ماخذيت منه شي.. ما نكذبش عليك الوقت اللي انا نعمل في المسرح هو يجي يتفرّج فيا في دار الثقافة ابن خلدون .. الحقيقة كنا أصدقاء و صارت الحكاية اللي فيها نهج تريبنال ".
و أضاف ذات الممثل معقبا :" أكيد انا سابق فتحي خاطرني أكبر منه ب5 سنين، كنا نبداو نتمرنوا في دار الثقافة مع منصف الأزعر يجي يبدا يتفرج فينا مازال صغير وقتها ، باش نقولك حاجة أنا أسّست المسرح المثلّث اللي خدم فيه هو من بعد".
وبخصوص الممثل القدير كمال التواتي، قال السياري :"كمال بالنسبة ليا أعز ممثل يعمل الكوميديا بتلقائية كبيرة ونحبو برشا.. هو الأفضل.. يعمل في الكوميديا بذخامة وعندو الحس الفكاهي من غير تهريج..".
الفيديو :