حلّ الفنان الاستعراضي التونسي معز دنيز ضيفا في برنامج مع بيّة على إذاعة إي أف أم مع الإعلامية بيّة الزردي.
وتحدث عن علاقته بالفنانة إيمان الشريف معلقا على تصريحاتها خلال حضورها في برنامج فكرة سامي الفهري مع الإعلامي الهادي زعيّم، معتبرا أنها ليست "ديفا" مثلما تلقّب نفسها.
وقال دينيز :"إيمان من أول ما عرفتها هكا.. في وقت من الأوقات جات سكنت بحذايا في حمام الشط في 2006 و2007 وخدمنا مع بعضنا عروض في الحمامات في المدينة.. إيمان أخاي كلينا مع بعضنا ماء وملح.. كانت تجيب العصبان من دار أمها وتطيبلنا كسكسي..".
مضيفا :"هي تحب تقول على روحها ديفا هي حرة لكن مازال بكري على "الديفا" .. كلمة ديفا تتقال على 3 في تونس.. السيدة نعمة وعلية وسعاد محاسن.. حتى أمينة فاخت ما تجيش ديفا".
وردا على سؤال بية الزردي، قال معز دنيز أن لديه جمهور كبير وحفلاته يحضرها الالاف :"الحفلات الي أنا عملتهم نحمد ربي ونشكرو.. أنا عملت قصر العبدلية في 2008 اخراج فاضل الجزيري فما 3000 متفرج وعباد بالمئات يستناو بتساكرهم البرّة".
الفيديو :