حلّت الفنانة التونسية نوال غشام ضيفة في برنامج jdt ليلة الخميس على قناة الحوار التونسي، وعلقت على عودة الفنانة القديرة نجاة عطية للساحة الفنية بعد غياب طويل قائلة أن نجاة عطية اعتادت الغياب والعودة ومسيرتها ليست مسترسلة.
وأضافت نوال أنها في بداياتها كانوا يشبهونها بها :"
عام 1987 كي دخلت للفن شافني عبد الكريم صحابو ولقاني نشبه لنجاة عطية في الملامح قلي باش تغنيلي شمس النهار ونادوا معايا الصبر..
وبعد عام 1989 فهمت الي أنا باش تلسق فيا حكاية تشبّه لنجاة.. ساعات فما شكون يعيطلي نجاة.. قلت لازم نبعد ونعمل الطريق متاعي وحدو".
وأضافت أنها غير موافقة على إطلاق لقب سيدة الطرب الأولى على نجاة عطية :"
نجاة عطية بطلت برشا مرات.. مشكلتها إنها تبطل وترجع برشا.. طريقها الفني متقطع.. هي فنانة ممتازة كصوت وإحساس.. يمكن هي حساسة أكثر من اللازم .. أنا عندي فوق من ال30 سنة في الميدان الفني وعمري ما انقطعت عن الفن.. الفترة الوحيدة الي بعدت فيها في موت الوالد وموت راجلي.. لكن إنك تبعد برشا بال10 سنين صعيبة..".
مضيفة :"
ما نجموش نقارنو إنسان عمل مسيرة متاع 30 سنة متواصلة وعمل برشا إنتاج.. بإنسان يغني شويا ويتغشش ويمشي يقعد وحدو ويبطل.. نقعدو نبكيو على الأطلال؟
لقب سيدة الطرب الأولى نجاة عطية هي الي عطاتو لروحها شكون عطاهولها؟ هي تحب روحها بالإسم هذا خليها.. مالا أنا زادة سيدة الطرب.. أنا نحبها وأمنيتي ترجع وتكبش وتصد الصحيح.. أنا وياها أصحاب".
الفيديو :