ردّ الممثل ومقدم البرامج جعفر القاسمي اليوم الثلاثاء 14 نوفمبر على الإنتقادات التي طالته بسبب برنامجه الأخير على قناة الحوار التونسي، واتهامه بالشعبوية وبالمتاجرة بآلام الناس من خلال برنامج "ساعة سعيدة" على إذاعة ديوان أف أم، وقال جعفر أنه فخور بالبرامج التي يقدمها وبمساعدته للمحتاجين مؤكدا أنه سيواصل في أعماله الخيرية وبرامجه رغم الانتقادات.
وقال القاسمي :"فما برشا ناس يقولو شعبوية و متاجرة بآلام الناس.. تاجرو بآلام الناس وابنيولهم ديار .. تاجر بآلام الناس و منعوه خليه يعمل عملية ميسالش... خلي نهار آخر ربي يشويني خليني نتاجر و نفعل.. انت لا تاجرت لا فعلت.. تقلي نتاجر بدموع الناس؟! كيفاش نتاجر ؟؟ انو ننقل حكاية انسان مستحق انو نعاونوه وناقفو معاه تسميها متاجرة ؟؟ انو نلم 700 ألف دينار تبرعات هنا في ديوان اف ام تسميها متاجرة؟!! بالك تسخايلها مسيبة؟".
مضيفا :"للدرجة هاذي انا متحيل توا 15 عام و الدولة ما فاقتش بيا؟! ما ثماش قانون ما ثماش رقابة ما ثماش قيس سعيد في محاربة الفساد؟!!! كان انا فاسد و متحيل هزوني و حاسبوني و راقبوني و شوفو اش عندي .. قبل في الحملة متاع ifm بنينا سبيطار.. قلك سارق سبيطار!! سبيطار من وقتها لتو عامل أكثر من 200 عملية.. ملخر انا ما نسمع كان الي يفعل و الباقي الكل ما يهمنيش و فخور بذاتي علخر و بش نواصل في نوعية البرامج هاذي خاطر 80% من التوانسة يحبوها ".
الفيديو :