أثار الفنان والراقص الكوريغرافي التونسي لطفي بوسدرة جدلا واسعا بين التونسيين مؤخرا، وذلك بعد إعلانه اعتزال الرقص لأنه "حرام" حسب تعبيره.
وتعليقا على ذلك قال الشاعر لطفي القمري خلال حضوره على قناة حنبعل اليوم، أنه يساند لطفي بوسدرة في قراره معتبرا أن الرقص فيه جانب من التشبه بالنساء، وقال :"
سي بوسدرة هو حر وبارك الله فيه في هذه اللفتة لأنه قال حرام واقتنع.. هذا الرجل كان يشطح وبطّل.. إذا هو اقتنع بأنه حرام فهو حرام.. حرام إذا كان إنت وظفته في إنك تتشبه بإمرأة.. أنا أحيانا نبدى قاعد في جلسة ونشوف واحد حازق روحه ويبدى يرقص ويفتك الأنوثة متاع النساء.. هذا الرجل اقتنع ربي يباركلو".
و كان بوسدرة قد صرح في تدوينة على صفحته الخاصة بموقع التواصل الاجتماعي ''ياخي بطلت الدونس ؟ علاش ما عادش نراوك فالتلفزة ؟
السؤال هذا تعاودلي برشا مرات اخر عامين حتى من ناس خدمت معايا قبل كنت ديما نحاول نجاوب بدبلوماسية بدلت الدومان !! و كنت نتمنى ردة فعل إيجابية مالناس اللي تعرفني على الأقل لكن الإجابة علاش بطلت و التلفزة و أنت طير فالدونس و الفازات …
بطلت الدونس خاطر بيني و بين روحي نعرف هو حرام و حتى و كان كنت موهوب في وقت ما كنت ديما نخمم نبعد و على فكرة اللي قرابلي يعرفو اللي أنا هكا نخمم من قبل
خدمت كمنشط مع الصغيرات الموهوبين خاطر مهم انو تعطيه فرصة و تقدمو للمجتمع و هذا يأثر إيجابيًا على حب العمل
انا كيما انا ما تبدلتش اما نحاول نتحسن و نستوي روحي .. كلام الناس ماهوش مهم قد اقتناعك بالحق شكرا''.
يذكر ان لطفي بوسدرة، كوريغراف و راقص، اشتغل كثيرا في عديد الاعمال التلفزية والمسرحية.
الفيديو :