القائمة الرئيسية

الصفحات

بالفيديو / خليفة الشيباني :"كان جات فما infirmerie في المبيت راهم منعوها الطالبة.. برشا استهتار وتسيّب"


علّق فريق برنامج ناس الديوان على إذاعة ديوان أف أم اليوم على حادثة وفاة الطالبة فاطمة القاسمي في المبيت الجامعي بقصر هلال بعد أن أصيبت بوعكة صحية وتعذّر نقلها إلى المستشفى بسبب غلق الحارس لباب المبيت ومغادرته للمكان.
وحمّل العميد خليفة الشيباني المسؤولية للمنظومة كاملة معتبرا أن الحارس غادر مكان عمله لأنه ليس هناك مراقبة من طرف المسؤولين:"في تونس غيب يا قط ألعب يا فار.. اليوم في تونس الفصعة ثقافة.. في البلايص الكلها يقلو بيّت الرجل وأفصع.. خاطر ما فماش مسؤول باش يراقب.. تي أحنا في تونس المراقب يلزم تبعثلو شكون يراقبو..".
وأضاف :"برشا قلة انضباط في تونس.. واستهتار وتسيب وافلات من العقاب وما فماش مراقبة.. المنظومة الكل مضروبة..
وحاجة أخرى.. شمعناها شاب خذى الباك وبدى يقرى في الجامعة تقلو ال10 متاع الليل تروح.. ياخي معتقل هو؟ يتحمل مسؤوليته..
وبلاهي حاجة أخرى قبل كانت فما infirmerie في المبيتات الجامعية.. ياخي قاعدين نقدمو والا نوخرو؟ هو قضاء وقدر صحيح لكن كنا نجمو نتجنبوه".
الفيديو :