القائمة الرئيسية

الصفحات

مريم بن مامي :"ملّي عمري 27 سنة يقولولي يا عزوزة يا مشلفطة يا بايرة.. معادش تجرحو العباد" (فيديو)


كتبت الممثلة مريم بن مامي تدوينة تعقب فيها على تعليق احد المتابعين داعية إلى الكف عن التعليقات السلبية عبر مواقع التواصل الإجتماعي، وقالت بن مامي :”
جاني واحد ليوم على story. حطيتها وقالي كبرت…
قداش حسيت روحي كبرت على المستوى البودورو الي احنا عايشين فيه..
بديت انصور في مسلسل مكتوب وانا عمري 27سنة وانا نسمع في “يا عزوزة يا مشلفطة يا بايرة يلي بيك ويلي عليك” منكذبش عليكم كيف انقوللكم الي اتحسيت اي اتحسيت بالطبيعة على خاطر السي؛
هذاك كان جديد عليا وقتها لا. En plusانا فالوقت هذاك كنت ياسر على نياتي منسخايبش الي لعباد اتنجم اتكون خايبة للدرجة ها ذيكه
توا قد مانكبر وقد منزيد انحب الدنيا اكثر surtout كيف انشوف بنتي جاد قاعدة نكبر قدامي وانقول يا ربي الحمد الله على النعمة الي انا فيها.. اما بالحق العباد ذو القلوب السودا؛ الي يحبو soit disant يجرحو لعباد بكلام خايب بربي يزيو راهو الدنيا فيها موت الfbولا مقبرة صغار قاعدة تموت اللطف يا ربي حوادث طروقات covid و.. و.. و..
اليوم الي في صحة جيدة لازمو يحمد ربي عليها الي والديه مزالو حيين يحمد ربي عليها الي ولدو موش مريض ويضحك قدامو لازمو يحمد ربي عليها الي يمشي على سقيه ويرا بعينيه ويمس بيديه ويتنفس بش يعيش لازمو يحمد ربي عليها…
ولذا انا ليوم وصلت الفترة في حياتي بالحق وراس بنتي وصلت الفترة في حياتي الي يجريو عليه لعباد انا معادش انحب عليه… منعرفش علاه كتبت هذا الكل بالرغم الي السيد الي قالي كبرت تفرج في مكتوب وقالي فالاخر راك كبرت par rapport المسلسل مكتوب! يمكن السيد الفاضل هذا يسخايبني بش نتحنط en tout cas شكرتو وقتلو مرحبا بيك..انشا؛ الله منكونش طولت عليكم.. انحبكم اهوك علاش حكيتلكم هالحكاية المارڨة.".
الفيديو :