إستضاف برنامج ويكاند عالكيف على إذاعة ديوان أف أم، تسنيم غويل الفتاة التي شاركت الفنانة لطيفة العرفاوي الغناء على ركح مهرجان قرطاج و التي تبلغ من العمر 12 سنة وهي تلميذة في السابعة أساسي تابعة لكورال "سيدي سامي".
وتحدّثت هذه الأخيرة عن تحقيقها لحلمها وهي في سن مبكرة و الغناء إلى جانب لطيفة التونسية على ركح قرطاج.
و قالت خلال تصريحها :"أول ما دخلت نغني وشفت جمهور قرطاج جاتني رهبة كبيرة وبعد كي بديت نغني نسيتها اما من كثر الفرحة في الكواليس وليت نبكي..
كي مشينا نبرفو مع لطيفة في مدينة الثقافة سيدي سامي جبدلها الي انا غنيتلها قبل غناياتها كوكتال يخي قتلو تمشي معايا لقرطاج وتغني معايا غناية وقعدنا نبرفو عليها".
و أضافت :"هي خلاتلي الاختيار ليا انا في الغناية لي باش نغنيها وانا الغناية تعجبني برشا وعجبها صوتي وقعدت تعنق فيا وانا وقتها باش نموت بالفرحة و نحب نقلها نحبك برشا وعيشك برشا لي جبتني معاك، وان شاء الله نتقابلو في حاجة اخرى".
كما وجّهت تسنيم كلمة شكر إلى الشعب التونسي و الجمهور :"نقول للجمهور والتوانسة عيشكم برشا خاطر شجعتوني وان شاء الله يستمر التشجيع متاعكم باش نزيد نعمل حاجات اخرين".
الفيديو :