تحدّثت والدة التلميذة المتفوقة أميمة يعيش وهي صاحبة أعلى معدّل بكالوريا من شعبة الرياضيات في ولاية المهدية عن سر نجاح ابنتها و الذي اعتبرته سببا رئيسيا في توفيقها على حد تعبيرها و هو حفظها للقرآن الكريم إضافة الى اجتهادها و سعيها في تحقيق حلمها.
وقالت السيدة فدوى الكسيبي يعيش في تصريح لإذاعة المهدية :"الحمد لله الصراحة كنا متوقعين هذا النجاح خاطرها من بكري هي ممتازة و ستنينا النتيجة بفارغ الصبر و تمنيت كان الوالد متاعها كان موجود هو طبيب و تشد في الخدمة الله غالب .. ونهديلو النجاح متاعها خاطرو تاعب على خاطرهم برشا برشا، الحمد لله ".
و أضافت :"نحب نشكر الاساتذة متاعها اللي أطروها و الناس اللي عاونتها و عايلتها و ناس الكل لي فرحولها.. الحمد لله أميمة من صغرها مغرومة بالقراية و المطالعة متمكنة .. و تبارك الله عليها هي حاملة كتاب ربي و حافظة للقرآن و هو اللي حفظها و درّبلها مخها و ماشاء الله عليها محاربة ماتسلمش ..ربي يباركلي فيها".
وقد أثار تصريحها تفاعل وإعجاب التونسيين على صفحات مواقع التواصل الاجتماعي خاصة بعد تحصل التلميذ عبد الرحمان فراس بن حميدان على أعلى معدل 19.75 وهو أصغر حافظ للقرآن الكريم في سنة 2016 وعلقوا :"الحمد الله علي نعمة حفظ القرآن و نعمة الاسلام أعلي وأحسن معدلات علي كامل الجمهورية من حفظة القرآن الكريم".
الفيديو :