تحدّث شابان تونسيان لبرنامج نيوميديا عن مشاكلهما التي يعيشانها بعد أن تزوجا و قرّرا ان يخوضا التجربة مع الزواج المبكّر رغم رفض العائلة، و كانا قد خصّا ذات البرنامج بتصريحات بشأن هذا الموضوع دون أن يكشفا عن المشاكل التي يمران بها من تشرّد و بقائهما في الشارع و غيرها.
و قال ذات الشاب متحدّثا عن الوشم الذي على وجهه، وإقدام الجهات المختصة على اخذ ابنهما منهما وإيداعه بإحدى قرى الأطفال بسبب الظروف الإجتماعية التي يعيشانها :"فما حاجات ماحكيناهاش انا و مرتي حشمنا اما العباد يعرفو الي احنا في الشارع انا و مرتي و تاعبين علخر.. و فما حاجة اخرى ماحكيناهاش ولدي هزوه الsos و الدنيا دارت علينا وان شاء الله ربي معانا و ربي يسهللنا.. اكثر من جمعتين واحنا في الشارع تعبتنا الحكاية علخر هزوهولنا خاطرو صغير عمره 9 اشهر اكاهو كان باش يعيش معانا في الشارع يموت".
و أضاف متحدّثا :" انا تعبت من حكاية الوشام و نحب نحّيه خاطرو تعّبني نحب نمشي نخدم و نلم مرتي و ولدي .. عرّسنا صغار و الدنيا كيفاش ولات صعيبة و بالشوية بالشوية تتحرك ان شاء الله.. العباد تعاوني ان شاء الله هانا متشردين باش نموتو بالبرد و ولدنا بعيد علينا ".
الفيديو :
