القائمة الرئيسية

الصفحات

مرام بن عزيزة : عزّة جبدتلي زوجي المستقبلي بالاسم.. تقلّق وقلّي ما يساعدنيش (فيديو)


تحدثت الممثلة مرام بن عزيزة في برنامج ''رمضان شو'' اليوم السبت 1 أفريل 2023 أن عن دورها 'كوثر' في مسلسل الجبل الأحمر للمخرج ربيع التكالي والذي يُبثّ حاليا على القناة الوطنية الأولى، مؤكدة أن الدور كان بمثابة التحدي بالنسبة لها.
و عرّجت في تصريحاتها على الخلاف القائم بينها و بين عزّة سليمان معلّقة على تصريحاتها مؤخرا حول قبولها لدور يجمعها بعزة سليمان و قالت :"كمحترفة انا مايقلقنيش نخدم معاها و سألوني قبل و قلتلهم انا ماعندي حتى مشكل وقالي المخرج كنت متوقع تقولي انت لا و هي توافق أما صار العكس... الحكاية اللي صارت و الصفحات و الإعلام دخل في حياتي الشخصية الحكاية هاذي قلقتني في حياتي الشخصية في عايلتي و في خدمتي تعبت يزيني مالمحاكم و يزيني ماعملو فيا الناس هاذوما .. من غير حد شي قامو يعملو فالستوريات ولايفات و تقلقت تاليفونات و يقلقو في زوجي المستقبلي و امي .. اتهامات كبار ".
و أضافت متأثرة :" السيد اللي يعمل فالحكاية هاذيا أصلا هارب من البلاد .. والله مافما حد شي عملوها بلعاني يستخايلو باش يخربولي الخدمة اما الحمد لله على نعمة القبول، انا تعديت لحاجة اخرى و نعاود في حياتي و هو بعيد على الميديا اما عزة تجبد فيه و تسمي فيه فالستوريات متاعها و هو مايحبش يظهر فالصورة وخاطيه هو المجال متاعنا و سماتو بالإسم.... شكون لاهي بشكون توة؟ هو متفهم و يعرفني شنية زادة و انا هذا كله مايقلقنيش نعرف روحي وفما ربي ".
الفيديو :