القائمة الرئيسية

الصفحات

سمير الوافي : شبيكم مصدومين في سنية اليونسي كي تخلص 30 مليون.. فما إعلاميين في تونس يخلصو أكثر منها (فيديو)


في حلقة الثلاثاء 17 جانفي من برناج "راف ماغ بليس" على قناة الحوار التونسي، تم تناول موضوع أجور الإعلاميين والعاملين في القنوات التلفزية، وفي إطار المقارنة بين الأجور التي يتقاضاها الإعلاميين في تونس وفي العالم، وإجابة على سؤال رفيق بوشناق كشفت كرونيكوز البرنامج سنية اليونسي أنها كانت تتقاضى قرابة 30 ألف دينار تونسي شهريا عندما كانت تقدّم الأخبار على قناة الحرّة مما أثار دهشة الحاضرين في الأستوديو.
وقالت سنية :"كنت نخلص تقريبا 30 ألف دينار تونسي كي كنت نقدّم في الأخبار في قناة الحرّة.. في تونس ممكن ما نقولوش شهريتنا على العين ونغوثو برشا.. انتوما توا بهتو كي قلت 30 مليون في الشهر.. راهو شطرهم ديجا يطير.. كراء ومصاريف غالية برشا"
وتعليقا على استغراب فريق "راف ماف" من راتب سنية اليونسي، نشر الاعلامي سمير الوافي تدوينة كشف فيها أن الكثير من الإعلاميين في تونس يتقاضون أكثر منها، وهذا ما كتبه :
أصدقائي جماعة الراف ماغ متحامين في سنية اليونسي على شهرية ثلاثين مليون في الشهر في قناة الحرة الأمريكية...وباهتين ومصدومين ومستغربين...حاصيلو دراما وصدمة على عشرة آلاف دولار في أمريكا اللي هي موش شهرية إستثنائية وضخمة مقارنة بأجور المشاهير وحتى الكوادر غادي...خاصة مع غلاء المعيشة والغربة...لكن قناة الحرة حكومية وإخبارية ما تخلّصش كيف القنوات الخاصة غادي...وحسب معلوماتي قارئ الأخبار العادي فيها ما ياخذش أكثر من ستة آلاف دولار...بينما أجر المنشط المشهور غادي في أي قناة خاصة معروفة يوصل لمليارات...واذا كان من وزن أوبرا وينفري فهو قادر يولي ملياردير من أغنى أثرياء العالم كيفها...!!!.."
وأضاف :"
لكن علاش الدراما هذي وهوما يعرفو أنو فمة في تلافز تونس شكون ياخذ أكثر من ثلاثين مليون في الشهر...بدون ما يسافر ويتغرب...وفمة شكون بين إذاعة وتلفزة ياخذ قدهم وأكثر منهم...ومنهم شكون يخدم في برنامج الراف ماغ.. ربي يزيدو طبعا لأن العمل في القنوات الخاصة يخضع للعرض والطلب...وقبل الأزمة الحالية كانت عائدات الإشهار في التلافز بالمليارات...وهي مداخيل يعملوها المنشطين والكرونيكورات ومن حقهم يناقشوا أجورهم حسب المداخيل والأوديمات...بقطع النظر على تقييم المحتوى اللي هو عادة تجاري وخفيف طبعا كما يريد السوق...!!!
يا صديقي رفيق بالنسبة لزميلنا في كل شي الا في الفلوس " سيريل حنونة "...فهو يتقاضى ( من مجموعة كانال + ) 250 مليون أورو على خمسة سنين كما ذكرت بنفسك لكن موش كمنشط بل كمنتج للبرنامج وكشركة إنتاج...يعني يتحمل تكاليف الانتاج يوميا...علما وأنو في البداية كان يخلص 25 ألف أورو شهريا كمنشط في نفس البرنامج قبل ما يولي منتج...!!!"
الفيديو :