خلال استضافته في برنامج "تحت السور" على قناة التاسعة، تحدّث الممثل القدير علي الخميري عن تغييبه عن الأعمال الدرامية وقال :" للأسف التلفزة ماتواصلش حاجة تعملها ... توفيق البحري الله يرحمو عشيري برشا وهو من أعز وأحلى الناس إلي عرفتهم في تونس وكل ما فما حاجة يكلمني وهاو هو توا مشى ومشات معاه الأمور الكل ... السنة مثلا فما مسلسل في الوطنية ولكن نحن كوطنيين لم ينتبهوا لنا أبدا ، وسمعت بالحكاية وأنا نتفرج في التلفزة في ممثل قال عندو مسلسل جديد وصار كاستينغ وكذا ...".
وأضاف :" وقتاش صارت لحكاية هذي والكاستينغ ومافيبالناش بحتى شي ... أنا إذا كان يخلصولي المشي والجي من جندوبة توا نولي نجي نوري وجهي باش يتفكروني ، وياخي إلي يعيش في الجنوب ماعندوش لحق يشارك في المسلسلات ؟ ومبعد يقلك والله نسيتك ، ولكن لحكاية الكل هي حكاية علاقات وعشاوات وسهريات".
الفيديو :