حلّت الممثلة التونسية المقيمة في قطر سوار الزيتوني ابنة الحارس السابق للمنتخب الوطني بوبكر الزيتوني ضيفة في برنامج فكرة سامي الفهري ليلة السبت، وتحدّثت سوار عن مسيرتها الفنية في الخليج ومشاركتها في عديد المسلسلات والمسرحيات وقالت أنه رغم ذلك فهي ليست مشهورة في تونس والتونسيون لا يعرفونها.
وأضافت سوار :"يزعجني طبعا أنو التوانسة مايعرفونيش لكن فما توانسة في قطر يعرفوني ... حبيت نقرب للتوانسة ونشارك في أعمال تونسية ولكن بحكم الخدمة متاعي والتصوير في قطر وكل مرة نقرر باش نهبط ويصيرولي ظروف متاع تصوير ... أنا نمثل في قطر وفي الكويت ويجيوني عروض من مصر وفي العراق ... الدراما القطرية فيها إلا قطرية وحدة ومكثر الزميلات إلي معايا من جنسيات أخرى وأنا الوحيدة التونسية إلي موجودة بيناتهم ، مافماش ممثلات نساء في قطر مانعينهم حسب تقاليدهم فأحنا نعوضوهم ...".
وبخصوص بداياتها وكيف دخلت عالم التمثيل قالت :"بديت بعروض الأزياء وكل شي بالصدفة ، أنا عايشة غادي مع الوالد ومشيت للمول ياخي فما مصمم أزياء معروف شافني قالي ماذبيا تكون عارضة أزياء معايا .. بعدها مشيت تدريبات في قناة الكأس ووقفت كيف كلمني مخرج قالي نحضر في مسرحية ونحبوك تكون معانا ، جربت ونجحت وبديت بالمسرح ... أول دور هو دور بطولة في مسرحية وخذيت جائزة أفضل ممثلة وأول انترفيو عملتو في MBC ومن وقتها جاتني برشا عروض".
الفيديو :