تحدّث الاعلامي لطفي العماري في برنامج تحت السور على قناة التاسعة حول الاحتفالات بعيد ميلاد المسيح في أوروبا وتقليد العرب لذلك، وقال العماري أن المسيح مولود في بيت لحم بفلسطين وليس له علاقة بأوروبا ويحقّ لنا الاحتفال بميلاده قائلا :"الإحتفال بعيد المسيح يظهرلي متاعنا أكثر من متاعهم ، لأنهم مايعرفوش إلي سيدنا المسيح مولود في بيت لحم في فلسطين وماعندو حتى علاقة بأوروبا وهوما خلقو الصورة هذي متاع الأب نويل باش يحببو صغارهم في الديانة المسيحية وفي المسيح ...".
وأضاف العماري :" كانت عندنا في عاداتنا نخلة فضة تخرجها كانت المرا في الجهاز متاعها وتجي في العشرة ايام هذوما متاع ديسمبر ، إلي يتزامنو مع الليالي البيض ، وتشعل شمعة ولا فتيلة لأنو نحنا في سورة مريم القرآن الكريم يقول إلي عيسى امو ولدتو تحت جذع نخلة ماهوش تحت sapin ... وكنا في العيد هذا نطيبو الملوخية باش نتفائلو بالعام الجديد ويجي العام صابة ، وكانت كل عايلة يسمطو العظم على عدد أفراد العايلة إلي هي رمز للخصوبة والحياة ومبعد مشينا للدجاجة ... العادة هذي موجودة عندنا كيما إلي موجودة عندهم وأحنا منعرفوش نحتفلو وهوما عرفو كيفاش يستغلو العيد هذا ونجحو أنهم يخلقوا منو مناسبة عالمية ... وكلمة ماهيش متاعنا يلزم نراجعوها شويا".
الفيديو :
